هذي وصفة وجبة اليوم:
هالبان كيك دوم اسويه باللوز بس ماقدر اسويه للمدرسه عشان ممنوع في كندا بسبب ان بعض الأطفال عندهم حساسية من المكسرات فسويته بطحين حنطة مستنبت.
الوصفه:
بيضة عضوية من دجاج حر
ربع كوب حليب جوز هند
ملعقتين طحين مستنبت او اي نوع.
ملعقة صغيره سكر قصب خام (عزيز/سوكانات) او اي نوع بس يعطي لمحة حلى.
زبيب عضوي
رشة قرفه
اخلطوا المكونات مع بعض عدل واخر شي ضيفوا الزبيب.
اذا حسيتوا الخليط ثقيل زودوا حليب واذا خفيف حيل زودوا طحين.
سخنوا تاوه على حراره عاليه ولمن تسخن خففوا النار وامسحوها بزيت جوز هند وصبوا نص الخليط.
دقايق واقلبوها على الناحية الثانيه وخالصين.
الكمية تسوي كيكتين وسط.
الخطوة الثانية : تجهيز التفاح
نقطع تفاحتين النوع المتوفر عندكم.. انا احب
Organic Red delicious
بس كان عندي
Macintosh
قطعته مربعات صغار.. ذوبت ملعقة صغيره زبدة على نار عاليه وضفت التفاح وملعقتين صغار سكر قصب وملعقة قرفه ورشة ملح.. وبس نشفت الماي واستوى التفاح صار جاهز.
حشيت البان كيك فيه ولفيتهم رول نفس الساندويشه.. وبالعافيه.
.......................
لفايف الباذنجان المشويه والمحشيه حمص وزعتر مع فلافل عدس اسمر مستنبتشوحته بمقلى مع مشويه من زيت جوز الهند وبالخلطة أضفت بيض وسلطة (سبانخ/خيار/طماطم كرزية)
فواكه: عنب وتوت ازرق
.....................
ليست هناك تعليقات:
إرسال تعليق