بقولكم سالفه صغيره عن الساوركراوت
من سنه وانا اسويه في البيت.. بس كان بطني يعورني او ماحس براحه.. بس العيال يحبونه واستمريت اسويه لهم.
لمن رحت الكويت وذقت اطباق @caveboy_grubs
وكان حاط ساور كراوت.. كان الطعم رهيب وماحسيت بولا شي.
فقلت الغلطه عيل مني وتميت ابحث الى ان وصلت اني كنت اخلل الملفوف من غير حب ادري ماعندي سالفه
بس صج ماكنت افركه بايدي كنت احطه بالجار مع ماي وملح وخلاص.
بس لمن قمت افركه بالملح واطلع عصارته واخمره صح.. كل شي تغير.. والحين العب بالنكهات . بدال لاتقولونلي سوي دروس..
وصفة الساوركراوت
نزلتها من قبل ونعيد الوصفه :
حبة ملفوف اخضر او احمر وياريت عضوي.. يخمر اسرع واكيد اصح وألذ
ملح بحري او صخري
اختياري :
شمندر
جزر
كراوية
مصل لبن
اول شي اقصص الملفوف شرايح ناعمه وارش عليها الملح.. تقريبا لكل حبة الملفوف الصغيره ملعقه كبيره كفايه
لاتقللون لأنها الماده الحافظة مع البكتيريا الي راح تتكون.
بعد مارشيت الملح افركهم عدل بايدي واخليهم نتفه منقوعين الين تطلع كل الماي
بعد ما اخلص اضغطهم بجار واصب الماي الي طلع واضيف اخر شي المصل.. المصل عضوي وفرش من اللبنه الي سويتها هالاسبوع.. هالشي راح يسرع التخمر
Fermentation
مهم الملفوف يكون غرقان سائل
واستلذوا باحلى مخلل ملفوف.. ساوركراوت
مليان بروبايوتك طبيعي يلا غذوا امعاءكم
Feed your gut.
مرحبا علياء
ردحذفاذا طلع عفن ابيض على السطح فوق ارميه كله ؟؟