مزيل عرق منزلي

• ادري تاخرت عليكم بالوصفه كان ودي اوصل لاقوى شي 😯.. بس النتيجة جميله وسريعه.. مسوية علبة بالبيت وعلبه بشنطتي للطوارئ. 

  الوصفات بالانترنت كثيره ولكن انصحكم بعدم وضع بيكربونات الصوديوم فيها.

  طريقتي السريعه هي خلط زيت جوز الهند مع زيت شجرة الشاي وزيت المره.. او لافندر او زيت ليمون او برتقال.. اختياركم على حسب توفر الزيوت عندكم.. حتى الشبه والوصفات الي متعودين عليها قديما تنفع.. دام طبيعيه.. ممكن اضافة نشا علشان تثبت. 

  المزيل مره واحده باليوم مو كفايه للاسف وتحتاجون اكثر من مره باليوم اعتمادا على المجهود الجسماني. 

  تذكروا ان العرق ماله ريحة لكن البكتيريا في هالاماكن تسبب هالريحة.. فهالزيوت القوية تقضي عالبكتيريا وريحتها ولكن عند انتهاء الجلد من امتصاص الزيوت تعاود من جديد.

  
  

  لكم حرية وضع الوصفات الطبيعيه فقط انطلقوا.

  * الصوره من النت

لماذا يفضل أن لا نستخدم بيكربونات الصوديوم  بكثره ؟ 

عليا ليش قلتي لاتحطون بيكنغ صودا في مزيل العرق؟ 

لان مادة البيكنغ صودا (بيكربونات الصوديوم) شديدة القلويه أكثر من ثمانية 

PH : 8.3

والجلد وخاصه تحت الابط من المناطق الحساسه بجسم الانسان وتستحمل بحدود

4.5_ 5.5

اي شي فوق هالارقام او تحتها يحرقها.. ووصفات النت تطلب كمية كبيره من البيكربونات توصل لخمسين بالاميه من مجموع المكونات. 

لاتجازفون واذا حابين البيكربونات علشان قوتها خل كميتها قليله ولمن تحطونه فقط براس الاصبع نفس الصوره. 

مانبي تحرق.. نخلص من مشكلة المنيوم وسموم ندخل بحروق وحساسيه

وترا قوة البيكربونات القلويه مو بس تحسس وتحرق وتصيب بحكه مزعجة وتغير لون البشره وتقسيها بعد عند الاستخدام المتكرر .