معدن الباريوم

• كل فتره مع استقبالي لحالات جديده وقراءتي المستمره ااتعرف على معدن جديد مهم ولكن بنفس الوقت سام 

  
  

  الباريوم :

  
  

  معدن سام يستخدم كثيرا في الاشعة الملونه.. في البلاستك.. في الاصباغ.. في الارضيات.. كمادة مضافة في البنزين.. في المبيدات الحشرية وسم الفيران و شيء آخر هو طلاء السيراميك. 

  ماذا تعني؟

  اجابات ثلاث حالات عندي هي صحون واكواب ايكيا.. ولمن سويت سيرش طلع بالفعل تستخدم في الغلاف اللامع في اطباقها وبعض المواقع تقول وقفت استخدامها الحين مع مواد ثانية سامة تغلف فيها اطباقها. 

  الصراحه انا حزنت لان ابدا ما جه الموضوع في بالي.. حتى بصحون اكلنا؟ 

  مجرد ماتحطون شي ساخن باطباقهم واكوابهم تطلع هالمواد السامه ونبلعها . 

  عموما تمت مراسلة ايكيا لتوضيح هالمشكله واذا وصل الرد كالعاده بنشره لكم. 

  مضارها:

  الباريوم يسلك طريق الكالسيوم بالجسم ويرسب هالمادة بالعظم ولكن اغلب العوارض الي لقيتها عنه هو اذا تم استنشاقها فورا تسوي حساسية للصدر ترجيع اسهال والم بالبطن.. اما عالمدى الطويل فاعتبرها مثل اي معدن سام يقتل ويذبح اجسامنا من الداخل.

• 
  

رد ايكيا 

• رد ايكيا للرساله الي ارسلتها لهم عن عدم وجود الرصاص والكادميوم في منتجاتهم .

  
  

  رجعت سالتهم والباريوم؟ ويمكن الاطباق القديمه؟ .. ردوا علي مافي اي سموم لان دايما نشيك عليهم بمختبرات موثوق فيها. 

  تهقون صدقتهم؟ 😁

  اجتمعت مع دكتورتي الأسبوع الي طاف علشان نشوف مختبر يفحص لنا طبقهم.. الصراحه مو مصدقتهم ولو طلعوا براءه اصلا اصلا بستانس وباكل براحه نفسيه ونقعد نبحث من وين مستر باريوم دخل اجسادنا. 

  شارلوك هولمز انطلق 😎✌️