طريقة القمح المستنبت في البيت
اول شي نستنبت القمح
ننقعه ليلة كاملة بالماء بعدين نغسله ونخليه اما في الخارج او في مكان رطب مثل اسفل الثلاجة.. مهم جدا اذا خليتوه بره تغسلونه عالاقل مرتين علشان مايجف وينشف.. واذا بالثلاجه كفايه غسله مره في اليوم..توقفون العمليه اول مايطلع برعم صغنووووون لاتخلونه يطول بس مجرد مايظهر.
تدخلونه الفرن على اقل اقل درجه مع فتح الباب او تخلونه بمجففة الطعام الديهايتريتر.
ممكن لست ساعات اهم شي يطلع ناشف وغير محروق.
شنو فايدته قلنا عنها قبل بموضوع الحبوب واستنباتها واهمية التخلص من الفايتك اسيد... هل هي ضرورية لأ ابدا اذا بتخمرون العجين بخميرة طبيعيه هالمرحله ابدا مو مهمه.
الطعم : قمح بطعمة تحميص.
التماسك : يتماسك لكن مو بقوة العادي لانه شبه خالي من الغلوتن ولكن ليس خالي تماما.
الخاصية : جاف جدا وكل ما خليتوا البرعم اطول يكون اكثر جفافا.
شلون يسوون خبز منه اذا هو جاف؟
يخلطون الطحين الجاف مع حبات القمح المبرعمه الي لازالت ممتلئة بالسوائل.. وممكن يزودون غلوتن لنتيجة مرضية في الاخر.
افضل استخدام له؟
نفس استخدامات طحين الغلوتن فري.. ومثقل ممتاز.. ورائع للخبز السريع خبز التاوه. خفيف عالمعده وسريع التجهيز.
ليست هناك تعليقات:
إرسال تعليق