هالوصفه ماتاخذ وقت فورا تتحضر.
المكونات:
كوب طحين حنطه مستنبت
ملعقتين زيت زيتون
رشة ملح هملايا او بحري
وربع كوب ماي (اقل او اكثر) حطوه بالتدريج
من غير تخمير.. ليش؟ لان الطحين مستنبت وجاهز.
تبون تخمرونه عادي يصير.. حتى لو الحين عندكم بالليل وعجنتوه بزبادي او من غير زبادي والصبح خبزتوه راح يتخمر تخمير اولي.
اخلطوا المكونات وعلى تاوه حاره مسخنه سابقا حطوا الخبزه دقيقه تنتفخ وتحنير خفيف عالناحيه الثانيه وخالصين.
احبها حيل هالطريقه سريعه خفيفه عالمعده وطعمها لذيذ والاحلى ان اطفالي يحبونها.
هالنوع من الخبز الذ يكون طازج ولكن ممكن تحضيره مسبقا وتفريزه.
لازم ينحفظ بالثلاجه لانه يحمض بسرعه.
شنو بعد؟ اممممم
ايه اذا ماعندكم هالنوع من الطحين.. استنبتوا القمحه جففوها على اخف درجة تجفيف واطحنوها. ? يلا ابدعوا
ليست هناك تعليقات:
إرسال تعليق