ابحث عن أصل المشكلة
حبيت اكلمكم اليوم عن شي حيل مهم لاحظته بالفتره السابقه.. الشكاوى كانت كالتالي:
عندي نقص فيتامين د
عندي اسهال شديد وضعف ونقص فيتامينات ومعادن.
عندي نقص حديد
عندي التهاب متكرر.
وغيرها من الآلام والاوجاع لايسعني سردها بموضوع.
حل الدكتور اخذ مكمل / اخذ مضاد / اخذ مهدئ.. الخ
هني تجي وظيفتي بعد مايشخص الدكتور الحاله.. انا ابحث عن جذور المشكله علشان الحل يكون جذري.. مو فقط تغطية المشكله لتتفاقم اكثر واكثر.
عمري مارح اقول أخذوا مكمل لنقص من غير معرفة سبب النقص... لازم ابحث معاكم عن الشي الي ادى للنقص.. الالتهاب المتكرر مايجي من فراغ لازم نعيد تأهيل اجسامكم.. والالم كذلك.
اما اذا عرفتوا السبب واستصعبتوا حله واستسهلتوا الدواء فهذا شي راجع لكم وماقدر انصحكم بتوقيف دواء او مكمل او عدم اخذ تطعيم لانه ضد اخلاق مهنتي.. انا علي اظهر الأضرار والقرار لكم.
وايد اغلط واقول وقفوا واندم.. ودوم اذكر نفسي واجدد هدفي في انستغرام هو تثقيفكم وتعليمكم وتوعيتكم صحيا ونفسيا وذهنيا ومشاركتكم تجاربي الشخصيه فقط.
اعذروني اذا امتنعت عن الرد في بعض الحالات ???
ليست هناك تعليقات:
إرسال تعليق