توست أبيض
نظرا لطلب الجماهير بمعرفة وصفة خبزي المغشوش.. نعترف هنا بالجرم المشهود ????
بالنسبه لي انا احب الخبز الناشف الي حتى لو ماحمصته يطلع لذيذ.. لكن في البيت ودهم الخبز العادي الطري نفس السوق . فقلت مو مشكله بسويلكم مره عادي ومره صحي.. عالاقل انا ضامنه شنو المكونات الي فيه انها كلها عضوية وطبعا من غير مواد حافظة.
الوصفه للتوست
كوبين طحين عضوي كامل مطحون عالحجر( علشان فوايده ماتكون ضاعت بماكينات الطحن وحرارتها). كوب طحين ابيض عضوي( جدا مهم مايكون مبيض او جاهز لشي معين مانبي اي اضافات)
كوب وربع ماي دافي
ربع كوب عسل عضوي (??) ملعقتين زيت زيتون بكر
ملعقة وربع صغيره خميرة
ونص ملعقة صغيرة ملح
تبون اي اضافات حطوا الاختيار لكم.
اما الطريقه فانا احط كل شي والماكينه عليها الباقي.. لو ماعندج ماكينه.. اعجني العجين عدل وبعدها خليه يتخمر ساعه ثم اعجنيها من جديد واتركيها تتخمر ساعه في صينية الخبز وحطيها بالفرن من نص الى اربعين دقيقه على حسب حجم اللوف ودرجة التحمير الي تبينها وبالعافية
ليست هناك تعليقات:
إرسال تعليق