أنت ماتخبر به نفسك
ماقدر. أنا متين/ه مارح اضعف
ماقدر اشيل اثقال اتعب
عمري مارح اصير رياضي/ه
ماقدر اغير اكلي تعودت
ماحب الاكل الصحي ولا راح احبه
احنا جدي مانتغير ولارح نتغير
الي تقوله لنفسك كل يوم يا بيرفعك يا بيحبطك ويكسر احلامك
انزين تعالوا نسمع هالجمل :
انا متين/ه بس راح انحف
الاثقال صعبه بس شوي شوي راح اقدر
مو لازم اكون رياضي/ة لكن لياقتي عالية أو رح اثبت نفسي واكون الي نفسي فيه
صعب اغير عوايدي بسرعه بس خطوه خطوه راح اقدر
الاكل الصحي لذيذ واكيد راح احبه
راح نتغير.. خلق الانسان ليتطور ويتناسب مع الوضع الي يبيه.
انتِ/انتَ شتبون؟ شنو حلمكم؟! انا يمكن مجالي صحه وغداء وحطيت الجمل بهالخصوص.. لكن انتو حطوا احلامكم اهدافكم في حياتكم.. لاتعيشون يومكم وتخلونه يمر من غير انجاز ولو حتى خطوه في حلمكم
لاتستهينون باحلامكم حتى لو كانت صغيره.. حطوا اهداف قريبة المدى وبعيدة المدى. اسعوا لها وثابروا
??????
ليست هناك تعليقات:
إرسال تعليق