استنبات رزه
الرز نفس الحبوب والبقول والمكسرات والبذور ممكن استنباتها بكل سهوله بأكثر من طريقة :
يا اما نقعها بالماي طول الليل
نقعها بماي دافي واضافة اسيد : ليمون/خل
نقعها بماي دافي ثم استنباتها لمرحلة ظهور البرعم
اي طريقه من هالطرق تريح معدتكم اتبعوها
انا ارتحت على المرحله الاخيره الكامله من نقع واستنبات.. وهذي برأيي مو بس لتفكيك الفايتك اسيد الي ممكن يتم بالمرحلتين الي ذكرتهم بل لاعطاء الفرصه للانزيمات الحيه بهضم وتفكيك المكونات الاساسية للحبه من كربوهدرات وبروتين ومضاعفة الفوايد الغذائية للحبه.
والاجمل من هذا طبخها يكون اسهل.
وبعض الحبوب انطر عليها يكبر البرعم ليصبح نبته صغيره ويؤكل كما هو.
اما طريقتي هي كالتالي :
اغسل الرز عدل بالماي
انقع الرز بالماي الدافي اثنعش ساعه.. طول الليل .. علشان اسمح للحبة بامتصاص اكبر قدر ممكن من الماي لتنتعش.
اقط الماي واغسل الرز.
واغطيه بفوطة مبلوله الى ان احصل على البراعم وخلال هالفتره اغسله اكثر من مره واتجنب جفافه.
اول ما احصل البرعم المطلوب ممكن اطبخه او اجففه الى حين استخدامه.. وبهالطريقه اوفر وقت وجهد ليوم ثاني وما اكسل اسوي هالخطوة المهمه في اعداد الرز او البقول عموما.
وللبقول اطبخهم نص طبخه وافرزهم الى حين استخدامهم.
صحيح مارح استفيد بالانزيمات الحيه ولكن اوفر على معدتي جهد كبير بالهضم واللي اكثرنا نعاني منه.
حاولوا تنويع اكلكم طبخ وني بالنسبه للاستنبات وباذن الله بتحصلون كل الفايده.
طريقة استنبات الرز :
نقعت الرز بماي دافي طول الليل ( ثمانيه الى اثنى عشر ساعه) بس علشان الحبه تتشرب اكبر قدر ممكن من الماي
غطيتها بفوطه مبلوله لان الجو حار وخليتها بره ( لان ابيها تستنبت بسرعه)
في بعض الأوقات ماكون مستعجله وابي احمي حبوبي من البكتيريا فاحطهم بقاع الثلاجه واغطيهم بنايلون.
بس لازال نبي نغسلهم اكثر من مره خلال اليوم علشان نضمن عدم جفافهم.
غسل الحبوب ايضا يضمن لكم ماتتكون طبقه سيئة الرائحة عليه.
كل نوع حبوب ياخذ وقت مختلف عن الثاني.. والجو يلعب دور.
الرز تبرعم بيوم فقط
مو لازم نشوف الاخضر ولا برعم طويل ولكن في بذور صغيره ممكن جدا تنطرون عليها مع العرق الاخضر وتاكلونها مثل ماهي من غير طبخ.. بالسلطات بالسندويشات.
اخر خطوه الطبخ
طبخوها نفس الطريقه المعتاده.. انا بس المره القادمه بخفف الماي.
هل حاسين انها بتاخذ وقت وبتخليكم تكسلون.. انقعوها اخر الليل واطبخوها ثاني يوم..يعني من غير استنبات.
Soaking
شكثر تكسر الفايتك شكثر وقت.. مافي اي شي محدد اخذوها بسهاله
انا بغيت ابرعم الرز رحت نقعته يومين وكل كم ساعه اغير الماي بس صار فيه ريحه جففته ولسه الريحه حسيت انه خرب خفت اغامر، شكرا على الطريقه
ردحذف