سؤال :
شنو طين البنتونايت؟
طين البنتونايت هو خلاصة آش البراكين كله معادن وله أنواع متعدده على حسب المعدن الأساسي الي فيه.. والكل يرجح أهميتها لانها كانت تستخدم كعلاج منذ سنين.. وان الحيوانات بفطرتها لاحظوا انها تاكل طين لما تتعب.
خنشوف شنو ميزته :
يقال ان طين البنتونايت لمن يندمج بالماي يصير ذو كفاءة عاليه في امتصاص السموم.. وان مداره الالكتروني الخارجي سالب فله القدره على جذب الكترونات.. فالبكتيريا والفايروسات والسموم واكثر المعادن الثقيله موجبة فتنجذب لها بسهوله.. يعني بالضبط مثل الاسفنجة تسحب وتمشي ومثل ماتسحب فتسحب مااااااي وايد.. وتعطي الجسم المعادن الي شايلتها.
تزيد قلوية الجسم بغناها بالمعادن وخاصه السيليكا والكالسيوم والمغنيسيوم والصوديوم وممكن تعادل بكتيريا الامعاء.
استخداماتها:
رائعه في عمل معجون اسنان.. وما اخاف عالعيال اذا بلعوه وخاصه الصغيره.
شربها للديتوكس الداخلي
او ديتوكس خارجي بعمل مغطس من نص كوب من الطين.. ورجاءا لا تقطون الطين في البواليع لان راح يسدها مره على مره.
رائع عند النزلات المعوية، علاج الاسهال الشديد، للنفخه والغازات بس مو مثل الفحم، رائع لخلطه بتراب القطط يسحب الريحه واي شي ممكن يضر من بولها.
ممكن ينحط عالجلد والجروح وعلى قرصات الحشرات والحكه.
ملحوظة : اذا حطيتوه على جروح عميقه او حروق مفتحه لاتلفونها بقماش ولكن بنايلون علشان اذا نشف مارح تقدرون تغسلونه.. اما بالحالات العاديه بلفة قماش مافي مشكله.
رائع كقناع للوجه.. احب الفحم اكثر بس الاثنين ممتازين.
ممكن ينحط على احمرار منطقة الحفاض للاطفال. .
تعليقي :
لازم شرب ماي بكمية كبيره لترين واكثر.. والا بتنقلب الفايده لضرر وتأخر خروج السموم والاكل وتمنع امتصاص الفوايد.
شرب اعشاب مطرية مهم جدا عند استخدامها.
لازم شربها قبل بساعتين من اي اكل او عقب ساعتين.
مره وحده باليوم كافي الصبح افضل من بالليل.
لازم استخدام ماركة موثوقه قابله للاكل.. لان ممكن تكون اصلا سمومها ومعادنها الثقيله عاليه فتدخلون هالشي اجسامكم وتقلبون الفايده. (المنيوم يورانيوم رصاص وغيرها)
لا افضل استخدامه يوميا فقط لفتره محدوده وبمراقبة اخصائي.
اخلطوا ملعقه صغيره جدا بكوب ماي واشربوا العكاره من غير الترسبات.. مو لازم لتخفيف الامساك وكمية صغيره بتسوي شغلها وزيادة. ولازم توقيفه فورا عند وجود اي رد فعل.?
ليست هناك تعليقات:
إرسال تعليق