وصلني مسجات كثيره عن الامساك وبصفتي اتكلم فقط عن الغذاء فاتمنى منكم تجربونها قبل استخدام اي عشبه او دوا.
الامساك ممكن يكون له عدة اسباب ولكن اول سبب واكثره انتشارا.. نظامكم الغذائي السيء الغير متوازن وفقره بالالياف وعدم استهلاك كمية كافيه من الماء.
كل وحده تقول لي عندي امساك بقولها مابي اشوف لقمه بايدج بيضا ابيها خضرا شلون؟
حطي الورقيات الخضرا مثل السبانخ والكيل بالخلاط مع حليبج (اي نوع) .. سندويشتج ابيها تتحول لخضرا من الورقيات الخضرا الغامقه الي فيها.. سلطه مع الغدا وسلطه مع العشا وماعندي مانع تتسلي بخضار.. وشربي عالاقل لترين ماي واذا رياضيه اكثر زودي الماي.
مابي رز ابيض ولاطحين ابيض ابي كل شي بأليافه ومجهز بطريقه صحيحه علشان لا نعور امعاءنا ونلهبها.. ابي خضار وبروتين مشكل بين نباتي وحيواني مابي حليب مبستر وابي خمائر طبيعية زبادي وكيفر وساور كراوت ومخلل بيتي.. اكرر
مابي اعشاب ولا ادويه.. واذا مانفع مع اني اشك نروح للمرحلة الي بعدها.
الخروج الطبيعي من اثنين لثلاثه باليوم لا اكثر ولا اقل ويكون الخروج مريح من غير اي ضغط او ألم.
ليست هناك تعليقات:
إرسال تعليق