احنا بموسم الكرانبيري واليقطين واليوم استخدمت بوصفتي الكرانبيري العضوي لعمل صلصة لذيذة للدجاج.. واكيد تنفع للديك الرومي اذا توفر عندكم.
نحتاج كيس صغير كرانبيري.. ملعقتين ميبل سيراب.. ملعقتين سكر قصب (عزيز) .. نص كوب عصير عنب غير محلى.. تفاحه عضوية اي نوع انا استخدمت غالا.. نص كوب عصير برتقال وقشر البرتقال (زست). نضيف كل شي على بعض على نار وسط.. راح تسمعون حبات الكرانبيري تفتح وتسوي صوت نفس البوب كورن خلوها تاخذ راحتها الين يتبطل الكل.. اذا ماتبطل عادي ضغطه خفيفه بالسباتولا راح تفتح.. ذوقوه وضبطوا نكهته
ممكن تضيفون سكر اكثر بس انا احبه شوي حامض.. ممكن تشيلون التفاح.. ممكن ماتضيفون اي عصير الا ماي.. ممكن تستخدمون نوع واحد سكر.. ممكن من غير برتقال.. ممكن تضيفون هيل.. ابدعوا.
..............
ونيي للدجاجه نحتاج دجاجة كبيره.. وياريت تكون
Organic or Free run
نتبلها بليمون وثوم وزيت زيتون وملح وبابريكا واعشاب وكيفر ومصل لبن وملعقة تماري (اختياري) .
فايدتهم راح يقللون عملية الطبخ للنص لان البكتيريا راح تفكك بروتين اللحم خلال فترة النقع.
بعد التتبيل حطوها في كيس وسحبوا الهوا.
BPA Free
وخلوها تتهنى بالثلاجة .. وبعد اربع وعشرين ساعة تدش الفرن لمدة ساعة ونص بدون تغطية
وبكذا نحصل على Roasted chicken with cranberry sauce
ليست هناك تعليقات:
إرسال تعليق