انا سعيده اني على وشك الوصول الى 60% من اكلي من صنع ايدي.. عشرة بالاميه منتجات عضوية جاهزة وثلاثين الباقيه هي الزراعه.. الحلم الي دوم يراودني وباذن الله يتحقق
نقلت لكم شوية صور عن استخدامي للمجففه في المنزل.. جففت نعناع للشاي والسلطات
جففت فلفل احمر وسويت بابريكا.. لاول مره اكتشف طعم البابريكا الصجي
جففت بصل اخضر وجزر وكرفس ونصه خليته للشوربات ونص طحنته وخلطته مع
Nutritional yeast + turmeric + Himalayan salt
وطعمها صار قريب لخلطة ارض الطبيعه.. رائعه مع البيض.. الخضره السوتيه.. كل شي
استنبت عدس ولوبيا وبعدين جففتهم وصاروا جاهزين للاستخدام فورا
جففت سبانخ / بقدونس / اوراق كاري
فراوله / تفاح / ولفات الفواكه
هذي الشغلات كلها اعتبرها اساسيه في المطبخ اما الاستخدامات الاخرى للمجففه وهي الكراكرز.. والبرغر الني (نباتي) .. حتى لحوم مجففه نفس البسطرمه.. تخمير العجين وترويب الزبادي.
الجهاز مو جديد صارله سنين بالسوق اسمه اكسكاليبار.. كان عيني منه من فتره طويله ولمن عزمت شراه استشرت صديقتي عندها خبره طويله فيه وللحين ماتشتكي منه فتشجعت اكثر.
الجهاز اسمه excalibur
عدد الادراج يعتمد على استخدامكم له.
وعليكم بالعافيه.
ليست هناك تعليقات:
إرسال تعليق